🐪 منقية الصفر 🐪
🔥 بنات الافنس 🔥
استطاش الفكر وانهل بغزاره
🔥 بنات الافنس 🔥
استطاش الفكر وانهل بغزاره
ثم تعليت المجره والنجوم
لا تغنيت اتغنا من نعاره
واحتزم لمداحم الجزله واقوم
التحدي والتنافس للصداره
يرتكيله كل مطنوخن عزوم
وانت يالشبلي تقدمت بجداره
في بنات الهرش زينات العجوم
قدم الي زودت خصمك مراره
التلاد الي مع البدو معدوم
ياهل تلاد الصفر ماهي زياره
حاضرين بنلطم الي فيه زوم
كل دلخً في وصايفها نداره
طرح الافنس ما قنيتوها بسوم
الظهور القحز كنها ضلع واره
طفحن كنها تخايل للغيوم
الخدود عراض وبالخشم انكساره
مثل شلفن ضربها يفنا الخصوم
والرقاب الجرد ما جت بنحداره
شولن اخصامه تطيح ولا تقوم
لا مشن في مشيهن شفت الحراره
ما تجنبهن حدود ولا عقوم
في ضلال الي عرفناه بوقاره
ابو تركي نادرن من روس قوم
مع جنبها لابتن فيها صطاره
الشبول اليا بدت حربن ضروم
ايه والحسنان لا من جات غاره
طارحين الند في قو العزوم
قلتها والكون لا ثوّر غباره
ربعي الي ضدها راح مهموم
من بني عون الشريف اهل النماره
ربعي حزامي متيهت الردوم
للشاعر/ عبدالعزيز الشريف ، في منقية عبيد الشبلي ، المشاركة في الموروث الشعبي لدولة الكويت لعام 2019.
