معلقة ابو رفعة سالم الخضران الدوسري ( مصانع أبو رفعة النووية ) كما وصفها هو بنفسه ..
القصيدة ( المعلقة ) :
دوك الجفا مني على غير حقران
ماني في من لا دعاني لزاقة
ولاني على بعض المجالس بشفقان
المجلس اللي يقلط في مكاني لحاقة
يسد مكاني فلان وفلان وفلان
والعقد بين الرخوم تم اتفاقه
قوم غدو لي مثل ربع بن هدلان
شيخ جزا من لا يود فراقه
لا قالوا رفيقك مخطي والخطا بان
قلت المنافق من تسمع لنفاقه
مقطوع الرجا في خبر كان
اللي يخطط للردى باللواقة
أنا على اللي يفعل الطيب شرهان
والا فلاني له بقطاع ساقه
أشره على الطيب لا صار غلطان
واللاش ما بيني وبينه علاقه
مدحي بني عمي ذربين الأيمان
حلمن عشقته في حياتي عشاقه
أخاف يلحقني ليا غبت نقصان
والا يوقف في مكان علاقة
وأنا تغلب وزايد والحسنا وفرجان
مدحي لهم يعطي لساني طلاقه
رفيقنا وإن عاداه من القوم عدوان
وطرح عمد بيتي وشقق رواقه
يلقانا في ساحة الضيق وجدان
لا ضاع فعل اللي حياته ......
وأنا بسيف الشعر ماهر وفنان
ومن جا على دربي نوى الله اغراقه
الشعر فتل ونقض وبحور وأوزان
ما هو يوخذ بالعقل طفاقه
سيفنتن ما قادها كل ربان
إلا معه خبرة ورخصة سواقة
ومن اعترض شعري بيجرح وينهان
وإليا برى جرحه بقى فيه عاقه
إلا أن يكون مثل الهاجري وابن مريبد وابن جدلان
القول جزل والمعاني رقاقه
اللي ليا طقوا صليب الصفا لان
وصلب الحديد يسهلون انطلاقه
هذا وانا أبو رفعة سالم الخضران
لمن دخلت الفلم يتم احتراقه
بشعرن يخلي شذرة السيف شامان
ما عاد تسوى حتى لموس الحلاقة
للخيل خيالة وللمال رعيان
من طمع في جله تفلس دقاقه
يتبع
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.