تدري وش اللي يوجع الرجّال ويبيح خفاه

تدري وش اللي يوجع الرجّال ويبيح خفاه

لا صار فعله تمدحه الأجناب والربع بخسوه ..

وتدري وش اللي يقهر الرجّال ويزود عناه

إليا وخذ حقه غصب من قدام عينه وظلموه ..

وتدري وش اللي يسبي الرجّال قدره ويحداه

الفقر وصدوف الليالي والرجّال إليا بلوه ..

وتدري وش اللي يخلي الرجّال عالي مستواه

طيبه وصدقه واحترامه للرجّال إن واجهوه ..

وتدري وش اللي يجعل الرجّال له هيبة وجاه

فعله ووقفاته مع ربعه وبذله إليا طلبوه ..

وتدري وش اللي يميز الرجّال من بين أقرباه

يدمح خطا ربعه ويسمح ويتصبر لو قذوه ..

وتدري وش اللي يرفع الرجّال عمن هم سواه

إنه ما يهفي حق ذربين الأيمان إليا إسألوه ..

وتدري وش اللي يفرق الرجّال من بين أقرناه

صمته ومنطوقه ومردوده على من حدثوه ..

وتدري وش اللي ينجح الرجّال غصب على عداه

تجاهل أعداء النجاح الحاسدين إليا شذبوه ..

وتدري وش اللي يضعف الرجّال ويقلل إحلاه

لا صار ما وجب بني عمه إليا منهم دعوه ..

وتدري وش اللي ينقص الرجّال في عين أخوياه

لا عاد ماهو كفو للوقفة إليا منهم إزهموه ..

وتدري وش اللي يهفي الرجّال ويشين نباه

إليا صد من تكريم ضيفانه إليا منهم نصوه ..

وتدري وش اللي يجعل الرجّال يمشي في عماه

إنه ما يسمع من محبينه  إليا منهم نصحوه ..

وتدري وش اللي يمحق الرجّال ويضيع حياه

لا رام تحليل الحرام وما ارتدع يومن نهوه ..

وتدري وش اللي يسعد الرجّال ويصفي سماه

قربه من الله قبل موته وأقرب عياله نسوه ..

قواعد تبقى على مر الدهر نقش بصفاه

يعده الشاعر جديده للرجّال إذا نشدوه ..

( منقول )

أيهما أكثر إسعادًا الأخذ أم العطاء؟

يروى أن طالباً و شيخه كانا يمشيان بين الحقول فشاهدا حذاء قديماً اعتقدا أنه لرجل فقير يعمل في أحد الحقول القريبـة وأنه سيعود إليه بعد انتهاء عمله ..

التفتَ الطالب إلى شيخه وقال :
" هيا بنا نمازح هذا العامل فنخبئ حذاءه ونختبئ وراء الشجيرات وعندما يأتي ليلبسه لا يعثر عليه فنرى دهشته وحيرته ..! "

أجابه الشيخ :
" لا ينبغي يا بنيّ أن نسلّي أنفسنا على مشاعر الفقراء المساكين! .. وأنت غنيّ يمكنك أن تجلب لنفسك مزيداً من السعادة بأن تضع قطعاً نقدية داخل حذائه  ونختبئ لنشاهد مدى تأثير ذلك عليه " 

أُعجب الطالب بالاقتراح وقام بوضع قطع نقدية في حذاء ذلك العامل ثم اختبأ هو و شيخه خلف الشجيرات ليريا ردة فعل ذلك العامل الفقير.. 

و بعد برهة جاء عامل رث الثياب أنهى عمله في المزرعة ليأخذ حذاءه فوجئ العامل عندما وضع رجله في الحذاء أن هناك شيئاً داخله!..

و عندما أخرجها وجدها قطعاً من النقود و كذلك وجد في الحذاء الأخر نظر ملياً إلى النقود وكرر النظر ليتأكد أنه لا يحلم..

نظر في كل اتجاه فلم يجد أحداً حوله..

وضع النقود في جيبه و هو يبكي.. ثم نظر إلى السماء مخاطباً ربه وهو يقول :
" أشكرك يا رب ! .. لقد علمتَ أن زوجتي مريضة و أولادي جياع لا يجدون الخبز فأنقذتني و إياهم من الهلاك ! .. "

ظل يبكي و يبكي طويلاً شاكراً لهذه المنحة من السماء..

تأثر الطالب كثيراً.. وامتلأت عيناه بالدموع ..

عندها قال له شيخه : " ألستَ الآن أكثر سعادة من اقتراح تخبئة الحذاء ؟  "

أجابه الطالب : " لقد تعلمتُ درساً لن أنساه ما حييت.. لقد فهمتُ الآن معنى عبارة ما فهمتها من قبل :
( عندما تعطي ستكون أكثر سروراً من أن تأخذ ) !! "

أزمة أخلاق

للأسف في زماننا معاني " أزمة أخلاق "

نعم ، بصراحة شديدة ، نعاني من أزمة أخلاق في جميع أنحاء حياتنا وفي جميع مجالاتها ..

فعندما نرى شخص يتصرف تصرف غريب ، دائمًا ما نشك فيك ونتهمه ونقول فيه وما فيه !! أليس هذا من سوء الظن الذي نهينينا عنه ؟

قال تعالى ﷻ :

﴿ يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ  ﴾ الحجرات ١٢

الآية السابقة فيه توجيه كريم من ربنا ﷻ إلى اجتناب الظن السيء .. كما أن حبيبنا محمد ﷺ حثنا على إلتماس سبعين عذرا لإخواننا ولا نسرع في الحكم على الناس ونظن بهم سوءً ..

كما نحب أن نحذر ..

لما يرى عيانًا في زماننا هذا في تلك المخيمات ومن يرتادها من طلبة وطالبات وكذلك موظفين وموظفات وعاطلين وعاطلات ومتشردين ومتشردات ليس بالليل وإنما بالنهار !!

ما الذي جمعهم وفي وضح النهار ، ولا توجد بينهم أي صلة قرابة ، وبعيدًا عن الأماكن المؤهولة بالسكان ؟

اترك لكم توقع السبب ؟

فسؤالنا : أين المباحث وأين أهل الغيرة ، البلد تنجرف في جرف أخلاقي ونحن صامتون .. لا نريدكم تخرجوا في " مظاهرات " ومسيرات وشعارات خرقاء ، وإنما نطلب تفعيل الدور الأمني لوزارة الداخلية ، وذلك بإيصال هذا النداء لكل من يُرجَى أن يحل هذه المشكلة ..

وأعلموا إذا عَمّ الفساد في بلد أهلك الله هذا البلد حتى ولو كان فيها قومٌ صالحون ..

﴿ إِنَّهُمْ كَانُوا قَوْمًا فَاسِقِينَ فَلَمَّا آَسَفُونَا انْتَقَمْنَا مِنْهُمْ فَأَغْرَقْنَاهُمْ أَجْمَعِينَ  ﴾ الزخرف ( 54-55)

*آسفونا تعني أغضبونا ..

شاهد قدرة الله .. في إعصار الفلبين ..

http://youtu.be/RFYK4D9ESSc

#حتى لا يتكرر الموقف معنا .. تذكر لا نستطيع مواجهة أضعف جند الله. فلنكن مع الله ونكون من جنده خيرٌ لنا لننجوا في الدارين.

ﺭﻏﻴﻒ ﺧــﺒﺰ ﻳﺎﺑﺲ

ﻣﻦ ﺭﻭﺍﺋﻊ

💢 ﺍﺑﻲ ﺍﻟﻌﺘﺎﻫﻴﻪ 💢

* ﺭﻏﻴﻒ ﺧــﺒﺰ ﻳﺎﺑﺲ ..

.. ﺗـﺄﻛﻠﻪ ﻓﻲ ﺯﺍﻭﻳـﻪ .

* ﻭ ﻛـﻮب ﻣـﺎﺀ ﺑﺎﺭﺩ ..

..ﺗﺸﺮﺑﻪ ﻣـﻦ ﺳﺎﻗﻴﻪ .

* ﻭ ﻏُـﺮﻓــﺔ ﺿﻴـﻘﺔ ..

.. ﻧـﻔﺴﻚ ﻓﻴﻬﺎ ﺧﺎﻟﻴﻪ .

* ﺃﻭ ﻣﺴﺠــــﺪ ﺑﻤﻌﺰﻝ ..

..ﻋﻦ ﺍﻟﻮﺭﻯ ﻓﻲ ﻧﺎﺣـﻴﻪ .

* ﺗﻘﺮﺃ ﻓﻴﻪ ﻣﺼﺤـــﻔﺎً ..

.. ﻣـﺴـﺘﻨـﺪﺍً ﺑﺴـﺎﺭﻳﻪ .

* ﻣﻌﺘﺒﺮﺍً ﺑﻤﻦ ﻣﻀــﻰ ..

..ﻣﻦ ﺍﻟﻘـﺮﻭﻥ ﺍﻟﺨـﺎﻟﻴﻪ .

* ﺧﻴﺮﻣﻦ ﺍﻟﺴﺎﻋﺎﺕ ﻓﻲ ..

ﻓﻲﺀ ﺍﻟﻘـﺼﻮﺭ ﺍﻟﻌﺎﻟﻴﻪ .

* ﺗﻌــﻘﺒــﻬﺎ ﻋﻘــﻮﺑـﺔ ..

ﺗﺼﻠﻰ ﺑﻨــﺎﺭ ﺣـــﺎﻣﻴﻪ .

* ﻓﻬــﺬﻩ ﻭﺻﻴــﺘـــﻲ ..

.. ﻣـُـﺨﺒـِـﺮَﺓ ﺑﺤﺎﻟﻴـَـﻪ .

* ﻃﻮﺑﻰ ﻟﻤـﻦ ﻳﺴﻤﻌﻬﺎ ..

.. ﺗﻠﻚ ﻟﻌــﻤﺮﻱ ﻛﺎﻓﻴـﻪ .

* ﻓﺎﺳﻤﻊ ﻟﻨﺼﺢ ﻣﺸﻔﻖ ..

.. ﻳﺪﻋـﻰ ﺃﺑﺎ ﺍﻟﻌﺘـﺎﻫﻴﺔ .

بعض البشــر فرقــاه عمره وحجه

الله من قلـــبٍ ليــــا منـــه ادلــج

لــــوهو بجـــوٍ فيـــه لنــــاس صجه

يدوي مثـل مايدوي الطير بالعج

مع خايــــعٍ ماينـــــدرى ويـــن فجه

ماينتبــه للـــي ينـــادي ليـــا سج

واليــــا انتبه كن الشبـــــاري تخجه

لابـــد من يــوم بــه الهم يفـــرج

عن كل عيــــنٍ بالسهــــــر مستلجه

الله علـى اللـــي تـو رقمه يبرمج

ماصــار فيه من المطــــــانيج رجه

اسرع من الزورق اليامنه امرج

واسبــق من اللـــي بالاشعــه يوجه

جمسٍ اليـــا قامت قزوزه تواهج

ضاعن عريضات الرفـارف بعجه

من نقرة العـارض يفج القور فج

ويخلـــي الشملــول بيــــن الاحجه

خـدن تحـت مزنٍ بروقــه تلاعج

نبتـه من الوسمي غصونه من اجه

لو مابها إلا الذيب والطير الابلج

ناخذ بهـــا عن ضيقة الصدر سجه

عن مجمع بـه راعي الحـق يفلج

بعض البشــر فرقــاه عمره وحجه

العد تنفــاه الضوامـــي اليــا رج

والمر تنكــــاه الكبـــــود وتــــزجه

صح لسان 

الشاعر/ عبدالله بن زوبين المعمري

ولي عجوز من بلاويك شبنا

يا الله يا خالف علينا تعبنا

دنيا نجاذبها وعيت تجينا

صكوا علينا الباب واقفوا عربنا

ضاعت هقاوينا ومن به هقينا

لو هي عليهم كان والله تعبنا

باموالنا واعيالنا مع يدينا

بحصارنا يابن دويحس ذهبنا

واليوم ما يشرى بحق حدينا

تف على الدنيا ولو به طربنا

لا عاد فيها عن هوانا نهينا

برشومنا يا ما بها قد وهبنا

ويا ما لجزلات الوهايب عطينا

ويا ما على قب السبايا ركبنا

ويا ما عفتنا ارقابهن وانتخينا

حنا عمود البيت والبيت يبنا

والبيت ما يبنى بليا حدينا

صرنا كما فرق الضحايا جلبنا

يا الله يا غافر عن المذنبينا

يا ما على عوج العصي اقتبلنا

وياما على تالي الركايب عصينا

ياما على زين القطايف لعبنا

وياما حديناهم وياما حدينا

واليوم من كثر الدواكيك عبنا

من كثر ما نفقد من الغانمينا

ولي عجوز من بلاويك شبنا

 لو ينجلي عن دارها قد جلينا

لو يندب عصر مضى له ندبنا

هيهات يا عصر مضى وين وينا!

قصيدة للشاعر برغش بن زيد بن عريعر

تــفٍ عـلـى عـمـر وراه الـمـمـاتـي

هذه القصيده قالها الشاعر / سعد بن جريد الشريهي الدغيري الشمري ( رحمه الله ) حيث سافروا عياله للشمال لطلب الرزق قبل أن يمن الله على هذه البلاد بالخيرات وطال بهم المقام واشتاق لهم وإرسل هذه القصيدة يقول : 

ياراكـبٍ مـن فـوق عشـرٍ عـلى لـون

شــعــلٍ يـهـاوزن الأضـلـه خــواتـي 

عـجــلات طـفـقـاتٍ عليهـن تـبارون

مــثــل الجـرايـد أرقـابهـن نـاحـلاتي 

فــج المنـاحـر طولـهـن تـقـل مـزون

طــفـح الـضـلــوع متونهن نابياتـي 

ياعـيـال كـان انـتم لحـوران تـنـوون

يـاطـيـبـيـن الـفـال خـوذوا وصـاتي 

بالله عليـكـم ريـضـو شـرب غـليـون

اليـامـا نحـط الـحبـر فـوق الـدواتي 

أكـتــب سلامٍ والـمٍ قــبــل تـمـشــون

سـلامٍ أحـلا مـن حـلـيــب الـفـتـاتـي

حـوفـوا عليهـن وإن نويتـو تـمـدون

وخـلـوا مـعـالـيـق الـخـلا والمـاتـي

وأمشـوا يسار الجدي بالـك تتيهـون

 تـرى الـنـعــايــم سـبـعــةٍ بـيـنـاتـي

مــدوا مـن التـيـم عـساكـم تـعـودون

 والأولـة بـيـن الـلـنـقـاء والـبـيـاتـي

والـثـانـيـة بـخـب العرادي تـعـشـون

ومـن العـرادي بأشـرفٍ ممـرحـاتي

والثـالـثـة بـآرض الحـفـر لا تـعـدون

والصبـح مـع خـل الحـفـر حـايلاتي 

والرابعـة بالـوعـل مشيٍ عـلى هـون

لاتـشـحـنـون أركـابـكـم صـادراتـي

والخامسة بـأطـراف حسـنـا تعـشون

وأظنهـن عـقـب العشـاء ساريـاتـي 

والسادسه بالـجـوف عـصـرٍ تطبـون

تـريـحـوا واركـابـكـم شـاربـاتـــــي 

والسابـعـة بشعـار أو هــن بعـد دون

أوهـن عـلى شيبـا حتون الصلاتـي 

والثـامـنـة بـعـبـد المـعـاصر تعشون

خـمـوا عـشاهـن بـالـعجـل خـايفاتي 

والـتاسعة في حـروة أثـرى تـمـرون

وحطن حضوضى قـفوهـن مقفياتي

والـعـاشـرة بــدولة الأزرق تـبـاتـون

عـقـب الجـفـال ركابكـم هـاجاعاتي

حادي عشر يشطبن حوران من دون

مـثـل الـنـعـايـم جـلـعـدن مـلـفيـاتي 

أهــل ثــلاثــه بـالـعـجـل لا يـتـونـون

لـحامي صقـر والـغــور ومروحاتي 

وأهــل أربـع مـنـكـم لـزوم يـتـعـدون

والخـامسه لـمـعـان تـنـهـج وتـاتـي 

وأهـــل ذلــولــيـن لــزوم يـــدورون

للـشـام والـنقـرة وحـمـص وحماتي 

ولا جـيـتـوا الـنـقـره تـراكـم تخافـون

بالليـل سـمـع وبالنـهـار الـتـفـاتـي 

والصبح أقـيـمـوا بالـقـرايا تـدورون

دوروا مـن البـلـقـا لـبـطـن الجـاتـي 

وتروا وعدهن دار الأطرش تـلافون

 زجـن شـوابــيــش الـغـنـا لافـيـاتـي 

سـلـم عـلى الـلي مـددونــي وخـلـون

سيف وشوردي نـور عيني شفاتي 

قـولــوا أبـوكـم حـالـفـن كـود تـاتون

وأن ما وتـيـتوا حالـفـن كـود ياتـي 

قل الأجنبـي بديـار الأجنـاب ممهـون

ممـهـون ولا يقدر عـلى الطايلاتـي 

وإن كان قصدك كثرت المال وخزون

مـايطـول العـمر القصيـر الـغـناتـي 

دنـيــاك مـادامــت لـلأيـدى وسعـدون

تــفٍ عـلـى عـمـر وراه الـمـمـاتـي 

والا الردي لو مات محدن ابَاكيه

وجدي كما اللي ما تريح بدنياه

يرفع يدينه يم ربه ويرجيه

يالله يالمعبود تمسح خطاياه

وتفكه من اللي عن الناس حاديه

مسجون والمسجون سبة سواياه

درب الخطا غصب(ن) على النفس تمشيه

ابوه طاح من المرض مالقى دواه

وداه للدكتور ظنه يداويه

فحص عليه وقال ويلاه ويلاه

وده ألندن كان تقدر توديه

وانكان ماتقدر تصبر بما جاه

ربك هو اللي من السرطان ينجيه

كسّر وحسّب مد كفه بمخباه

فتش وم ايلقى لو ريال يجنيه

مديون والمديون وشلون يلقاه

مايملك إلا جمس باقساط شاريه

قام يترفد مد للناس يمناه

كلن يقول اذلف ولاني بمعطيه

عزي لمن حده زمانه على اقصاه

يجدى وينخى مير محدن نظر فيه

وقت الرخى يا كثر من قال نفداه

بالمال والا الجاه بالروح نفديه

وقت الشدايد كلن يقول فرقاه

مالي وماله ثم روّح مخليه

خلوه في فقرن وهمن ومأساه

اطيبهم اطيبهم بهرجه يهديه

ايس وقال العبد لابد مثواه

في وسط قبرن بأبيض الخام نطويه

عود لداره يوم كلن تباطاه

هو يحسبن الناس قدمه تحاتيه

ما يدري بصكات بقعا تحراه

في وسط بيتله بالاقساد بانيه

البيت محترقن من اعلاه لادناه

والورع يبكي والقصيره تحاضيه

امه توفت والمصايب تقفاه

ماتت ولاحدن بالمصيبه مواسيه

مغير ورعن قطع القلب ببكاه

اليا تخيل صورة امه تبكيه

عزي لمن كثرت بلاويه عزاه

يا قو باسه يوم عقله مقديه

ثم جاه رجلن خايبن في نواياه

فعله خبيث ولابه احدن يسويه

ابشر بما تبغى من المال والجاه

ونسفر الوالد عسى الرب يشفيه

بيتك نعوض لك قصورن مبناه

ووليدك اللي مبتلش به نربيه

اطلب وانا اعوضك باللي تمناه

لكن عندي شرط لازم تلبيه

قال ووانيتك يطرب الحال ممشاه

جمسن جديد وجيداتن مواطيه

اجلب حشيشن راس ماله دفعناه

ما باقي إلا من السواحل تعديه

ثم قال حاضر كل هرجك حفضناه

من حر ما يونس بصدره ويخفيه

غير زيوته والتوانك معباه

ظبط بلاكاته وغير بواجيه

هفه وقال الموت حق وعرفناه

والرزق عند اللي من الموت يحييه

حمل وعود قام بالحيل يشضاه

يوم التفت لجيوب شهبن تباريه

وقف ورقمك يالمهرب كشفناه

اين المفر وموتك اليوم تحريه

دزه يبى الصمان والنور طفاه

يومن في جمسه بعيده هقاويه

متعدين دبي مع الليل سراه

والرمي من حوله يصيبه ويخطيه

دار اللصافة عن يمينه تعداه

يبغى اللهابه يوم ضاقت مساعيه

وجه على الصلب الحمر قام ينحاه

اظن سدره عن نظرهم يذريه

ما يدري ان الهيلاكبتر تعلاه

من فوق راسه تكشف اللي مغطيه

وجيوب شهبن عن هوى النفس تحداه

ومسلحه بعيار خمسين ترميه

اللي على الرشاش حقق بمرماه

هفه على كتفه اليا مير معميه

ثم اطرحوه الله يعينه ابلواه

عزي لمن رصت كلبشات بيديه

حراس من حوله يمينه ويسراه

والشيخ من قدمه يحقق بماضيه

قال المحامي واتبرع بدعواه

وازرى المحامي امن القضيه يبريه

ثم اعلنوا سجنه مؤبد حكمناه

ما عاد يطلع كود عمره بينهيه

وابوه مات ولا لقاله مراعاه

ووليده بداراليتامى تغذيه

هذا قصيدي يوم جبته على آه

ياليت بعض الناس تفهم معانيه

الطيب الطيب يموت وفقدناه

والا الردي لو مات محدن ابَاكيه

القصيدة لشاعر 

خالد بن شنيعه المطيري

والنصر سيف ما يسله غافلين

يالله عفوك يوم تصفية الحساب *** يوم حصاد لما زرعنا في السنين

يوم الحشر قرب ولا معنا زهاب *** الـيوم في الدنيا وبكره راحلين

نجمع ذنوب ونرتجي عفو وثواب *** وعلى نصر ربي لنا مستعجلين

تدرون ليه آمالنا كنها سراب ؟ *** تدرون ليه النصر سيف الأولين؟

الأولين أعمالهم وفق الكتاب *** قاموا عليه وباعوا الدنيا بدين

وحنا غفلنا بين ما لذ وطــاب *** والنصر سيف ما يسله غافلين

نصبح على شوف انتهاكات وخراب *** ونمسي على دمع وتنهات ونين

بصدورنا شي تذوب إله الهضاب *** وأفعالنا والواقع رياح وطحين

وعلى العيون من الفتن مثل الضباب *** ماعاد ندري من يسار ومن يمين

ما للضعيف إلا الدعا لو ما يجاب *** ما غيره إلا الشوف مكتوف اليدين

يالله زلزل تحت الأعداء التراب *** والطف بنا واحقن دماء المسلمين

ندعيك يا قادر على جعل السحاب *** جيش لنصر قلة مستضعفين

أغرقهم بنوع من أنواع العقاب *** غرق الغلام اللي يحسب أنه فطين

لو ما عصا نوح نجابه في رحاب *** سفينته وأمضى معه ف العمر حين

لكنه اختار الخسارة والذهاب *** إصنع بهم صنعك به وأنت المتين

وإلا خذهم يا مجريٍ سود الحقاب *** أخذ العجوز اللي بقت في الغابرين

ذوقهم اللهم أنواع العذاب *** اللي عثوا في أرضك من المفسدين

وألطف بمن لبسوا من التقوى ثياب *** عبادك المستهدفين المتقين

تكالبت عليهم أنياب الذئاب *** ولا غير عونك يا معين الصابرين

من بينهم شيبة يعجزون الشباب *** من وقفته من طولها في الركعتين

ومن بينهم عذرا توّن بلا حجاب *** حجابها لفوا به الجرح المكين

تصيح ما هو من ألم ولا صواب *** تبغي الحجاب اللي خذوه المسعفين

وطفل عن عيون أمه الثنتين غاب *** تبكيه عين وتلتفت لأخيه عين

من هول ما يجري لهم شاب الغراب *** يا وسع حلمك وأنت ما فوقك مدين

أدعيك وأنت أدرى بحال أهل المصاب *** وأمد كفي لك يا أكرم الأكرمين

للمبدع / محمد بن فطيس